TARIHIN MABUDI HARUNA 1823-1956

Mabudi Haruna  dan Mabudi Abubakar Hausa ne Shima. Ya gaji Mabudi Muhammad a 1823. Marigayi Sarki Abdulkadir Gagara Dafuwa shine ya nada shi.

Sakamakon tsarin gundimomi da Mabudi ya koma ba kasa sai harkar fadanchi a matsayin  shugaban Dandalmu yake koda ya ci gaba da wansu al’adu.

Mabudi Haruna  yayi tsawo kwana shekara 33 a sarauta daga lokacin Sarkin Abdulkadir zuwa  Sarki Usman  zamanin Sarki Haruna Abdulkadir.

TARIHINMABUDI MUHAMMADU 1899-1923

Ana ce dashi Muhammadu Dan Majeri. Ya gaji Mabudi Zakar wanda  yayi mutuwar yaki da turawa a 1906. Koda yake ba zuriyar Mabudi  Abubakar bane  amma yana daya daga cikin mukarrabansa. Sarki Haruna  Mai Karamba, shi ya nada shi a 1906. Mabudi Muhammadu shima ya ci gaba da rikon kasashe. Ya samu rikon Garin Gabas A wannan lokaci an barmasa. Garin Gabas da Toni kutara da  wadansunsu. Daga kansa akayi jimilla A wannan lokacin an barma sa Garin Gabas da Toni kutara a matsayin hakimi amma daga  baya aka mai da shi ba kasa, ko  da yake ba’a  samu dalilin hakan ba. Tun daga kan Mabudi Muhammadu, Mabudi ya daina rikon kasa, koda yake an ci gaba da na su kamar sauran Hakimai.

TARIHIN MABUDI ZAKAR 1899-1906

🎫

Mabudi Zakar  ya gaji Abubakar Hausa wanda shine mahaifinsa. Sarki Muhammadu Mai Shahada shine ya nada shi . An Kiyasta a 1899. Mabudi Zakar gwarzo  ne kamar Sarkin da yayi  zamani dashi. Ance  bayan runduna da yayi gado ya kara yawan dawakinsa sama da arbamiya. Ya samu Karin, Garuruwa karkashin sa wanda suka hada da Gatafa, Auyakayi, Ayan,  Guyu, da wadansunsu.

An samu cewa Mabudi Zakar  na daya daga cikin  jarumai bakwai  da turawa suka bukaci Sarki Muhammadu  ya sadaukar  ko mika kansa ga turawan lokacin suka takali Hadejia da yaki. Sauran sune Sarkin Arewa  Amadu, Sarki Dawaki Umar Dangazau, Sarkin yaki Muhammadu, Jarma Warkaci, da Shamaki Malami.

Wannan  na daga  cikin abinda  yaja yaki  da turawa inda Sarki  Muahammadu  tare da dukkan wannan Jarumai  aka karsu. wannnan    snie dalilan cewa Sarki Muhammdu Maishada. A gidan Mabudi mai sunan  Mabudi Zakar ance  masa Maishadan ko shadah.  

BA WANDA BAYA KUSKURE

Don ALLAH a rubutu mu in anga wani abu na daidai ba, kuskure a taimaka kyara mana

TARIHIN MABUDI ABUBAKAR HAUSA 1860?-1899

Ya kasance Mabudi na farko da ya shahara. An kasa tabbatar  da lokacin da ya fara sarauta amma an sami cewa Sarki Buhari shi yi nada shi. Ance tun Buhari yana dan Sarki ya daukake shi  suka shaku, Saboda haka Jaruntarsa. Tare  da Mabudi abubakar hausa, Buhari yayin  da ya zama Sarki yayi yake- yakensa  har ALLAH ya karbi ransa bayan yakin Gogaram a1862. An  bada labarin cewa Mabudi Hausa shi ya kafa Kafin Hausa a matsayin wajen zaman Dako na zamanin yaki. Lokacin da  Sarki Damagaram Tanimu  ya kawo mamaye Hadejia Mabudi Hausa, yana daya daga cikin manya jarumai  kamar su Sarkin Aewa Tatagana, Sarkin Yaki Jaji da sauransu wadanda suke dakon  bangarorin  Gari da lura fitar mutane.

Har ila rayuwar Mabudi Abubakar Hausa, Sarki Haru Babba yayi zamanin sa  1965-85 wadanda ya kara masa daukaka da samun garuruwa karshinsa. Ance Mabudi Abubkar Hausa yana da dawaki sama da dari uku  da Barade  ko kaca kamu, wanda suka hada Sarkin Rafi, Audun Mabudi, da Ashe wanda aka samo Unguwar ‘A’ ta nan sunan Uguwar ya samu, Maidugu  wanda Kafin Hausa  ke kar shinsa  da wadansunsu.

Ance bayan mutuwar Sarki Haru Babba, Mabudi Hausa da shamakin su suka dora  Sarki Muhammadu kan  karagar  saurata   suka kira sauran sarakuna suyi mubaya’a, kuma hakan akayi. Mabudi yayi zamani da Sarakunan Hudu Buhari, Umaru, Haru Babbba. An kiyasta ya rasu 1886-1899 watau zamanin Sarki Muhammadu.

TARIHIN SARAUTAR MABUDI A FADAR HADEJIA

Mutane da yawa  sun san Mabudi a matsayin daya  daga cikin  mahimman mukaman fadar Hadejia Hasali ma dai ana sane da unguwa guda  da ake  kira Tudun Mabudi. Sai dai da yawa ba’a  san tarihin  da mukamin da yake dashi ba.

Wannan kuwa ya faru ne  domin  shi  kansa tarihin Hadejia babu  rubutacce sai takaitaccen rubutun da maigirma Tafidan Hadejia Alhaji Abdu Maigari yayi  a kan kafuwar garin  da kuma jerin sarakuna da suka yi mulki. Ma’ana babu  bayani kan gidajen sarauta sai dai ambatansu jifa-jifa.

Saboda haka an dogara ne da abin  da magabata da sauran dattawa suka ji ko suka gani suka fada.

Sarautar Mabudi , tsohuwace  a fadar hadejia wacce  take  shahara tun lokacin sarakunan Hadejia na da can kafin zuwan turawa,  watau lokacin  Usmaniyya.  Koda yake ba’a  sami hakikanin lokacin da sarautar ta fara ba amma an samu daidaituwar bayani kan shaharar  Mabudi Abubakar Hausa wanda aka ce yayi zamani da sarkin Hadejia Buhari zuwa Sarki Umaru sai  kuma lokacin da yafi  kasaita wanda yake shine lokacin Sarki Haru Babba.

A wani kauli an ce lokacin Haru Babba ne ya zama Mabudi watau a da jarumin fada ne kawai ba mikami.

Zuriyar gidan Mabudi a yau  ana danganta ta gas hi Mabudi Abubakar Hausa. Ita wannan zuriya  a yau ana kwatanta ta da gidaje biyu  wajen  yawa a Hadejia wato zuriyar  gidan Sarkin Arewa da gidan Galadima. Bayan gidaje a wadansu  unguwanni da kauyuka daukacin unguwar  Tudun Mabudi  duk  zuriya guda ne.

An samu cewa  Mabudi  na da  can daga Abubakar  Hausa  zuwa  Mabudi Zakar Muhammad  sun rike  kasashe. Kamar  yadda  tarihi ya nuna , kafin  zuwan turawa wanda  sukayi gundumomi  wato  jimillar, kasashe da garuruwa a warwatse  suke karkashin Hakiman da suke  zaune a gari tare da Sarki  yayin da  wakilan garuruwan  suke  biyowata  hannun su  kan al’amuran garuruwansu.

Daga  cikin  garuruwan da suka zama a karkashin  Mabudi  sun hada da Kafin Hausa, Gatafa, Guyu, Auyakayi,  Garin Gabas, Dakido,  Toni  Kutara, da wadansunsu.

Yayin  da aka zo jimilla wanda yazo  lokacin Mabudi Muhammadu  zamanin Sarki Abdulkadir  sai aka bar Mabudi da Garun Gabas  da Toni Kutara sauran garuruwa kwa  aka yi  musu hakimai kamar Tafida a Dakido, bangaren Kafin Hausa da farko a kabaiwa Galadima, daga   baya  aka rabata bulangu aka baiwa  Wambai da masarautar sa  shekato,  Sarkin Bai a Kafin Hausa kanta.

Tsarin gudunmomi da aka yi da Mabudi sune kamar haka:-

Birniwa-(S/Arewa), Kaugama -(Madaki), Dakido –(Tafida), Garun Gabas – (Mabudi), K/Hausa- (S/Bai), Guri –(Chiroma), K/kasamma- (S/Dawaki), Auyo-(S/Auyo), Bulangu/Tashen a- (Wambai).

Daga baya  har ila sai aka dawo aka dauke kasa daga  Mabudi  wadda ba’a tabbatar da dalili ba ,  ya dawo sai  zaman  fada watau a Dandalma. Koda yake anci gaba da nada Mabudi  kamar yadda ake nada sauran Hakimai amma ya kasance sai dai harkar fadanci kawai.

An haifini a cikin garin Hadejia a Unguwar Tudun Mabudi a shekara ta 1990,a gida mai lamba 32 Kachallami na fara karatun Firamare a Model Science Primary School a garin Hadejia a shekara ta 1995-2003, na haarci makarantar Dutse Model International  Dutse Jigawa  State a shekara ta 2003-2006 daga nan Kammala makarantar  a  Imam Bukhari International School a garin Ogbomoso da  Jihar Oyo  shekara ta 2006-20009, halarci makarantar na halarci Binyaminu Usman College of Agriculture Hadejia Yadda nayi karatun Diploma akan Computer Domin kare kaina Na halarci makarantar koyon Computer Wanda Gwamnatin Jiha ta bude kar kashin  Jigawa State Ministry of Education , Science & Technology a shekara 2007 zuwa 2008 inda na samu certificate akan Information & Data Processing.

Wanda haka ya bani dama inke dan buke na har takai na samu bude Internet Café mai suna Tokari Cyber Café Hadejia a shekara ta 2011 Har izuwa yanzu.